Work with us

Swyddog Hysbysebu a Chynnwys
This is a job advert for an Advertising and Content Executive for which the ability to communicate in Welsh and English is essential.

Closing Date: 17:00, Wednesday 2 July 2025

Trosolwg o Libera a Social Media Conference Cymru:

Mae Libera yn gwmni marchnata a chyfryngau sy’n arbenigo mewn cynnwys digidol ar gyfer teledu a diwylliant, hysbysebion digidol a hyfforddiant. Ry’n ni’n chwilio am Swyddog Hysbysebu a Chynnwys sydd â phrofiad o redeg hysbysebion a chreu cynnwys digidol.

Libera hefyd yw trefnwyr Social Media Conference Cymru. Yn ei hail flwyddyn, denodd Social Media Conference Cymru dros 330 o bobl oedd yn gweithio ym maes marchnata a chyfryngau cymdeithasol i glywed gan arbenigwyr y maes ac i rwydweithio. Bydd SMC Cymru yn dychwelyd yn 2025 ac yn tyfu. Mae hi bellach yn un o brif ddigwyddiadau’r diwydiant marchnata yng Nghymru.

Byddi di angen: 

• O leiaf 2-3 o flynyddoedd o brofiad mewn rôl marchnata, hysbysebu, cyfryngau cymdeithasol neu greu cynnwys

• Profiad gyda hysbysebion cyfryngau cymdeithasol taladwy yn defnyddio Ads Manager (nid Boost!) gan blatfformau fel Meta, TikTok, Google ac ati 

• Gwybodaeth dechnegol gref am hysbysebion digidol, metrigau perfformiad a gwneud penderfyniadau yn seiliedig ar ddata

• Bod yn gyfforddus yn ysgrifennu a chyfathrebu yn y Gymraeg a’r Saesneg

• Bod yn gyfforddus yn arwain cyfarfodydd gyda chleientiaid ac egluro’r rhesymeg tu ôl i benderfyniadau golygyddol a strategol

• Sgiliau cyfathrebu cryf - yn gallu cyflwyno canlyniadau, canfyddiadau ac argymhellion yn glir i dimau mewnol ac allanol

• Profiad yn creu cynnwys llonydd a fideo ar gyfer y cyfryngau cymdeithasol

• Profiad yn defnyddio Premiere Pro, CapCut, neu feddalwedd golygu tebyg

• Deall marchnata ar y cyfryngau cymdeithasol - naws y gwahanol blatfformau, beth sy’n gwneud cynnwys da a sut i osod hysbysebion taladwy effeithiol. 

• Rwyt ti’n ‘self starter’ - yn gallu gweithio ar dy liwt dy hun, yn angerddol am y maes ac yn frwdfrydig dros ddysgu a meithrin sgiliau newydd.

* Peidiwch a phoeni os nad wyt ti’n arbenigwr ar bob un o’r pwyntiau uchod, ond bydd gwybodaeth eang am y maes yn fanteisiol.

Dymunol ond nid angenrheidiol:

• Profiad o drefnu elfennau o ddigwyddiadau

• Profiad o ddefnyddio offer camera a goleuo

• Hyderus yn dylunio graffeg 

Beth fyddi di’n ei wneud?

• Ry’n ni’n gwmni newydd (sefydlwyd yn 2023) sy’n tyfu ac yn dîm bach gweithgar a chyfeillgar. Wrth fod yn rhan o’r tîm yn ystod dyddiau cynnar y cwmni, byddi di’n cael y cyfle i ennill profiad gyda thasgau amrywiol a chyfrannu at waith pwysig a chyffrous.

• Rhedeg hysbysebion digidol i gleientiaid, gan gynllunio a chynnig syniadau creadigol, creu asedau digidol ac adrodd yn ôl ar berfformiad.

• Bod yn brif bwynt cyswllt i rai cleientiaid, gan reoli’r holl waith, disgwyliadau a pherthynas gyda’r cleient.

• Cyfrannu at lwyddiant Social Media Conference Cymru (gall hyn gynnwys trefnu elfennau o’r gynhadledd neu gyfrannu at farchnata) ac unrhyw ddigwyddiadau eraill

• Cyfrannu at syniadau a chreu cynnwys ar gyfer brandiau gwahanol

• Cynllunio, ffilmio a golygu cynnwys

• Cyfrannu at sesiynau hyfforddiant i gleientiaid (gan gynnwys cynllunio, trefnu a chyflwyno)

• Cynnig mewnbwn i syniadau a chynlluniau creadigol

• Cyfrannu yn greadigol fel rhan o’r tîm

Be’ allwn ni gynnig?

• Cytundeb llawn amser, 5 diwrnod (37.5 awr) yr wythnos am 6 mis (gyda’r posibilrwydd o barhad)

• Cyflog o £27,000 - £31,000 (pro rata) yn ddibynnol ar brofiad

• Lleoliad: Disgwylir presenoldeb 2 ddiwrnod yr wythnos yn un o’n mannau cydweithio (Ar hyn o bryd: Tramshed Caerdydd, Tramshed Abertawe neu Ganolfan S4C Yr Egin, Caerfyrddin)

• 25 diwrnod o wyliau blynyddol (+ gwyliau banc)

• Cyfraniadau pensiwn

• Cynllun yswiriant iechyd lle mae modd hawlio rhai costau yn ôl am rai gwasanaethau iechyd (deintydd, optegydd ayyb) a mynediad 24/7 i GP arlein neu dros y ffôn

• Cyfnod cytundeb: 6 mis

Pam gweithio gyda ni?

• Cyfleoedd i weithio gyda phartneriaid a chleientiaid mawr cyffrous ar brosiectau arbennig - mae ein cleientiaid diweddar yn cynnwys BBC Cymru, BBC Studios, S4C (a Hansh), Tinopolis, Y Sioe Frenhinol ac Amgueddfa Cymru

• Hyblygrwydd hybrid - ry’n ni’n gofyn am bresenoldeb yn un o’n mannau cydweithio 2 ddiwrnod yr wythnos pan yn bosib ond yn hyblyg i’r tîm weithio o adref neu leoliadau gwaith addas eraill.

• Nifer gwyliau blynyddol yn cynyddu o 25 diwrnod i 27 diwrnod ar ôl 2 flynedd o wasanaeth, a diwrnod ychwanegol o wyliau am bob blwyddyn arall o wasanaeth hyd at 29 diwrnod o wyliau blynyddol.

Sut i wneud cais

• Bydd angen CV neu ddolen i broffil LinkedIn wedi’i ddiweddaru

• Dolenni neu bortffolio yn dangos enghreifftiau cynnwys/hysbysebion

• Tystiolaeth o redeg hysbysebion yn y gorffennol (enghreifftiau o’r cynnwys, screenshots neu ganlyniadau ysgrifenedig yr hysbysebion)

• Anfona at helo@liberaagency.com

• Dyddiad cau: 17:00, Dydd Mercher, 2 Gorffennaf 2025